Dikur

Meta kujton eksodin e 20 mijë shqiptarëve me anijen “Vlora”: Koha për të marrë në dorë fatet e vendit








Bëni LIKE faqen zyrtare në Facebook
               Publikuar në : 11:50 - 08/08/20 |
mapo.al

Presidenti Ilir Meta ka kujtuar përmes një postimi në rrjetet sociale eksodin e 20 mijë shqiptarëve me anijen Vlora në 8 gusht të vitit 1991.


Kreu i shtetit thekson se kur kanë kaluar 29 vite nga kjo ngjarje ngashëruese, në Shqipëri ende vijon me ritme dramatike shpopullimi. Meta përcjell një mesazh të fortë për qytetarët shqiptarë të cilët i fton të rikthehen dhe të marrin në zotërim fatet e vendit.



Postimi
Në 8 gusht 1991 anija “Vlora”, me rreth 20 mijë shqiptarë në bord, nisi udhëtimin drejt lirisë duke u kthyer në simbolin e shpresës për një jetë të re dhe një të ardhme më të mirë.


Zbarkimi i tyre në brigjet e Italisë, dëshmoi para gjithë botës tragjedinë dhe dhimbjen e një populli të vuajtur për dekada nga dhuna, shtypja, mjerimi dhe izolimi.


Fatkeqësisht edhe sot pas 29 vitesh nga kjo ngjarje dhe këto pamje tronditëse që të emocionojnë në çdo kohë, ritmet dramatike të shpopullimit të Shqipërisë nuk janë ndalur.

Në emër të këtyre sakrificave të jashtëzakonshme njerëzore, është koha të ankorojmë shpresën në vendin tonë dhe të përmbushim ëndrrën e çdo qytetari, për një Shqipëri si gjithë Europa!

Koha që shqiptarët të rikthehen dhe të marrin në zotërim vendin dhe fatet e tyre!

Koha për ta ndërtuar Europën ketu!

Koha për t’i thënë KURRË MË çdo projekti izolues dhe shpopullues! 


Etiketa: , ,

Pas