Teksa Parlamenti është mbledhur për të votuar një rezolutë kundër dekretit të Presidentit për anëtaren e Kushtetueses, Marsida Xhaferllari, Meta ka bërë paralajmërimin e ashpër: Shpërndarjen e Parlamentit.
Deklarata e Ilir Metës për mediat, teksa dilte nga një aktivitet për barazinë gjinore te Hotel Rogner:
“Situata është tërësisht e zgjidhur për ata që dinë të lexojnë Kushtetutën… dhe meqënëse po vjen data 22 nëntor kur populli shqiptar votoi me referendum Kushtetutën dhe këto parime janë ende, edhe pse janë bërë deformime në pabesi, kam një paralajmërim të fundit: Betimi i Ilir Metës me dorën në Kushtettutë nuk ka qenë një proces formal apo ceremonial. Nuk ka institucion më të rëndëshëm se sa Kushtetuta e vendit, e cila ka vetëm një garant që është Gjykata Kushtetuese. Përpjekjet për të dhunuar Kushtetutën për të kapur gjithë sistemin e drejtësisë me kapjen e Gjykatës Kushtetuese po u them askush të mos guxojë të dhunojë Gjykatën Kushtetuese. Parlamenti me një dekret shpërndahet, Qeveria me një mocion mosbesimi rrëzohet, Presidenti shkarkohet nga Gjykata Kushtetuese e Shqipërisë. Nëse dikush mendon se angazhimet e mia kanë qenë ceremoniale, do ia bëj të qartë se kjo është Kushtetutë që mbron popullin e Shqipërisë dhe do jetë detyra ime qo t’i tregojnë vendin kësaj bande uzurpatore dhe gjithë shërbëtorëve”.
Etiketa: Ilir Meta, kërcënim, paralajmërim, rrezimi i qeverise, shperdarja e parlamentit
