Aktualitet

Meta vlerëson me titullin ‘Kalorës i Urdhrit të Flamuri’, kolonelin italian Fabio Cornacchia





Bëni LIKE faqen zyrtare në Facebook
               Publikuar në : 12:29 - 05/07/20 |
mapo.al

Presidenti Meta ka vlerësuar me titullin e lartë “Kalorës i Urdhrit të Flamurit”, Atasheun Ushtarak Italian, Kolonelin Fabio Cornacchia.


Ai ka shprehur vlerësim dhe mirënjohje për kontributin e kolonelit për Forcat tona të Armatosura dhe rolin e tij në forcimin e marrëdhënieve tona me Italinë.


Sipas Metës, Forcat e Armatosura shqiptare dhe ato italiane, duhet të rrisin edhe më tepër bashkëpunimin mes tyre.


Statusi i Metës në Facebook:


Në vlerësim dhe mirënjohje për kontributin e çmuar në rritjen e kapaciteteve akademike dhe profesionale të Forcave tona të Armatosura, për promovimin e palodhur të Shqipërisë, dhe rolin e veçantë të tij për forcimin e marrëdhënieve tona të shkëlqyera tradicionale dhe strategjike me Italinë mike, pata kënaqësinë të vlerësoj me Titullin e lartë “Kalorës i Urdhrit të Flamurit”, Atasheun Ushtarak Italian, Kolonelin Fabio Cornacchia. Forcat e Armatosura shqiptare dhe ato italiane, duhet të rrisin edhe më tepër nivelin e bashkëpunimit midis tyre, në të gjitha fushat me interesit të përbashkët, për të qenë edhe më të fortë sëbashku në kuadër të NATO-s ndaj sfidave që parashtron koha, në funksion të paqes e stabilitetit në rajonin tonë.


Etiketa: ,

CLOSE
CLOSE
Pas