Presidenti Ilir Meta foli sot për shqetësimin e studentevë të cilët kanë paralajmëruar se do të rikthehen në protestë, pasi kërkesat nuk janë realizuar. Ndër to është edhe “Karta e Studentit” që e ka marrë përsipër Kryetari i Bashkisë së Tiranës, Erion Veliaj.
Në një aktivitet me studentë, Meta tha se Ligji i Arsimit të Lartë ka probleme dhe nuk u jep autonomi financiare universiteteve. Po kështu, ai theksoi se vonesa e pajisjes së studentëve, me kartë, është e pajustifikuar.
Shënimi i plotë i Presidentit në facebook
Protestat e drejta të studentëve treguan se zbatimi i ligjit aktual të Arsimit të Lartë ka probleme dhe vështirësi për të siguruar autonominë dhe pavarësinë financiare, të duhur për një funksionim më të mirë, më cilësor dhe më të aksesueshëm të universiteteve publike.
Vonesa e pajisjes së studentëve me “Kartën e Studentit” është e pajustifikuar dhe mbetet një detyrim imediat për t’u garantuar të drejtat që burojnë prej saj, ashtu si të studentëve të tjerë në vendet e rajonit dhe të Europës.
