Meteorologët grekë: I nxehti përvëlues mbërrin të martën, preket edhe Shqipëria

Ditët me mot të freskët do të zgjasin shumë pak dhe në mesin e javës që vjen pritet që të rikthehen temperaturat e larta.

Shqipëria, por edhe vendet e tjera fqinje, mes të cilave Greqia po përjetojnë një fundjavë të freskët, por nga e marta temperaturat do të fillojnë të rriten.

Shërbimi Meteorologjik i Greqisë thekson se “rritja do të fillojë nga e marta dhe të mërkurën e 14 korrikut temperatura pritet të arrijë mbi 40 gradë“.

Vala e të nxehtit afrikan pritet që të prekë edhe Shqipërinë me temperatura të larta.

Java që nis nesër parashikohet që të premten të mbyllet me një ulje të lehtë temperaturash.