Meterologia Lajda Porja nga Meteoalb, njofton se gjatë kësaj jave moti pritet të jetë me rrebeshe në zonat malore, por nuk përjashtohen reshjet as në zonat bregdetare si Lezha apo Vlora.
Paraditet do të jenë me diell në të gjithë territorin shqiptar, ndërsa pjesa e dytë e ditës do të sjellë vranësira dhe herë pas here edhe me rrebeshe.
“Sa i përket temperaturave të ajrit kjo javë nuk do të ketë luhatje të ndjeshme, duke bërë që minimalet të jene 12 gradë në zonat malore dhe maksimalet, deri në ditën e enjte do të jenë jo më shumë se 30 apo 31 gradë. Fundjava do të sjellë një rritje të ndjeshme të temperaturave në bregdet, duke ngjitur termometrin deri në 33 gradë”, tha Lajda Porja.
