Mes personave që humbën jetën nga tërmeti i fuqishëm që goditi Shqipërinë në orët e para të mëngjesit të së martës, është edhe një njeri i afërt i djalit të kryeministrit Edi Rama. Ai e ka ndarë lajmin e hidhur në “Instagram”, duke treguar gjithashtu se personi në fjalë është shuar nën rrënoja së bashku me familjen e saj; prindërit dhe vëllain më të vogël.
“Mes viktimave të shumta nga kjo fatkeqësi natyrore edhe një njeriu im i afërt së bashku me vëllanë e saj, mamin dhe babin janë gjetur nën rrënoja. Vetëm dy trupa janë nxjerrë deri tani nga gërmadhat e asaj që u shpall ditë zie kombëtare. Ngushëllimet e mia shkojnë për të gjithë viktimat e kësaj fatkeqësie”-ka shkruar Greg Rama, duke mos treguar asgjë më tej për viktimën.
E megjithatë, sipas lajmeve në tg.com, Greg ka shprehur trishtimin për humbjen e të dashurës, që rezulton të jetë 25-vjeçarja Kristi Reçi. Studentja në Fakultetin e Mjekësisë në Tiranë, ku studionte për Dermatologji, ishte një nga viktimat që u nxorr e pajetë nga rrënojat.
Risjellim në vëmendje se tërmeti me magnitudë 6.4 ballë ka marrë 31 jetë njerëzish, si dhe ka shkaktuar dëme të mëdha materiale, kryesisht në Durrës, Thumanë, Kurbin dhe Lezhë.
Etiketa: e dashura e gregorit, gregor rama, mes viktimave
