Një dëshmi tronditëse vjen në lidhje me vrasjen e 27-vjeçarit Mehmet Qema, i cili u qëllua për vdekje aksidentalisht nga shoku Marjus Dema. Ngjarja e rëndë ndodhi dy ditë më parë në lagjen ‘5 Maji’ në Tiranë
Në një lidhje skype për emisionin “Me zemër të hapur” Egli Cekrezi, mik i viktimes rrëfeu se kishte qenë 2 minuta para se të ndodhte krimi me gjithë shokët, ndërsa ishte në një ambient tjetër duke ngrënë.
Ai tha se sapo kishte dëgjuar të shtëna me armë kishte shkuar tek shokët dhe ishte përballur me skenën e rëndë. Sipas Cekrezit, Marjus Dema, që është edhe autori i ngjarjes, ka qëlluar mikun aksidentalisht, pasi kanë qenë duke luajtur.
Mes të tjerash i riu tha se Marjusi ka tentuar që të vrasë veten pas krimit, pasi ka përjetuar gjendje shoku. Çekrezi ka hedhur mes të tjerash akuza të forta për mjekët e Urgjencës në QSUT, pasi sipas tij ata nuk i kanë ofruar asnjë shërbim Qemës, i cili në ato momente ishte gjallë. Ai tha për gazetaren Evis Ahmeti se duke marrë shkas nga fakti se mjekët nuk po e preknin me dorë Qemën, e kanë nisur me ambulancë drejt spitalit të Traumës.
“Atë natë kam shkuar se bëj dhe disa piktura në atë zonë. Ishim të gjithë si çuna, se kuptoj se si ndodhi kjo gjë. Se di sa kishin ata aty. Por ata të dy ishin vëllezër, ishin qafë për qafë. Biseda ishin të si ato të përditshme.
Ishin ulur, duke qeshur. Ata i kishin thënë qe ule armën, ai po luante, po bënte shaka. Unë isha poshtë po haja. Kur dëgjova armën shkova me vrap dhe pashë. E çuam Mehmetin në spital, në QSUT dhe 30 minuta nuk e prekën me dorë. Ai ishte i gjallë. Ata thonin që; ‘do presim policinë’.
Vetë ne e hapëm ambulancën dhe e nisëm për në spitalin e Traumës. Kam marrë taksinë dhe shkova në spital dhe më pas në Durrës. Kam 2 ditë pa fjetur jam keq emocionalisht. Ai do kishte mbijetuar nëse doktorët do ta kishin marrë në dorë. Plumbi u mor poshtë barkut, jo në anën e apendistit.
Si ka dëgjuar të shtënat kam parë Marjusin, ishin shumë keq, tentoi që të bënte vetëvrasje. Tek spitali kemi shkuar unë, Erlindi, Lindi. S’kemi shkuar të gjithë se nuk e mbaj mend. Është hera e parë në jetën time që më ndodh diçka e tillë në sy. Jam keq.”, tha Çekrezi.
