Milan ka marrë fitoren e radhës në Serinë A dhe ka shkuar përkohësisht në vendin e pestë të renditjes, që garanton kualifikimin në fazën me grupe të Europa League.
Kuqezinjtë kanë fituar 2-1 në fushën e Sassuolo-s, një nga skuadrat më në formë të Serisë A në javët e fundit, që nuk humbte prej 8 ndeshjes në kampionatin italian.
Sfida e luajtur në Reggio Emilia është vendosur në 45 minutat e para. Ibrahimovic ka kaluar në avantazh miqtë në minutën e 19-të dhe ka realizuar golin e fitores për Djallin në fundin e pjesës së parë, pasi Caputo ka barazuar përkohësisht rezultatin me penallti.
Gjërat janë përkeqësuar për vendasit në minutën e fundit të pjesës së parë kur Bourabia është ndëshkuar me kartonin e dytë të verdhë.
Rezultati ka mbetur i pandryshuar në 45 minutat dhe kuqezinjtë kanë marrë tri pikë të rëndësishëm në garën për të siguruar kualifikimin në Europa League.
Kjo e sotmja ka qenë një sfidë e veçantë për Donnarumma-n, që ka luajtur ndeshjen e tij numër 200 me kuqezinjtë në karrierë, dhe për Zlatan Ibrahimovic, i cili kishte tetë vite që nuk shënonte më shumë se një gol në pjesën e parë të një ndeshje të Serisë A (mars 2012, tre gola kundër Palermo-s).