Milani është rikthyer te fitorja në Serinë A. Kuqezinjtë triumfuan me rezultat të thellë 2 – 4.
Mesfushori Franck Kessie kaloi miqtë në epërsi pas vetëm 12 minutave lojë pas një asistimi të Giroud (12′).
Gëzimi i Milanit zgjati vetëm gjashtë minuta, pasi në skenë doli shqiptari Nedim Bajrami që barazoi rezultatin (18′).
Megjithatë, ishte prapë Kessie që realizoi në portën e Empolit për të rikthyer epërsinë (42′).
Milan vazhdoi me dominimin edhe në pjesën e dytë, ku arriti të shënoje edhe dy herë të tjera. Fillimisht, Aleksandro Florenzi realizoi gol të bukur për 1 – 3 (63′).
Ndërsa, gjashtë minuta më vonë, Theo Hernandez vulosi fitoren e miqve (69′).
E gjitha që bëri Empoli, ishte goli i dytë i realizuar nga Pinamonti nga pika e bardhë. Milan me këtë fitore vazhdon ndjekjen e Interit duke u ngjitur në vendin e dytë me 42 pikë, derisa Empoli renditët në vendin e 10-të me 27 pike.