Deputetja Mimi Kodheli u zgjodh kryetare e Grupit Parlamentar Socialist brenda Asamblesë Parlamentare të NATO-s.
Kodheli u zgjodh kryetare pas një votimi unanim. Sipas saj, është hera e parë që një përfaqësues i Shqipërisë kryeson një prej grupeve parlamentare.
“Falënderoj të gjithë anëtarët e Grupit Socialist të Asamblesë NATO, për besimin, mbështetjen dhe votimin unanim në zgjedhjen time si Kryetare të Grupit Socialist të kësaj Asambleje. Është për herë të parë që një përfaqësues i Shqipërisë kryeson një prej 3 grupeve parlamentare, brenda Asamblesë NATO”, shkruan Kodheli në Facebook.
Në fokus të këtij sesioni, që ishte parashikuar të mbahej në Kiev, është duke u diskutuar situata në Ukrainë, masat konkrete që janë adaptuar nga Aleanca dhe përgjigjja ndaj agresionit rus.