Aktualitet

Ministër i Brendshëm? Balla: Nuk e lë partinë për qeverinë









Bëni LIKE faqen zyrtare në Facebook
               Publikuar në : 15:02 - 14/12/20 |
mapo.al

Sekretari i Përgjithshëm i PS, Taulant Balla nuk do të jetë ministri i ardhshëm i Brendshëm.



I ftuar në rubrikën “Opinion” në News24, Balla tha se ndonëse emri i tij ka 7 vite tashmë që përmendet për këtë post,  partia ka një libër rregullash që e bën të pamundur Sekretarin e Përgjithshëm të marrë detyra ekzekutive.


Thënë ndryshe, Balla nuk e lë Partinë Socialistë për qeverinë Rama.




Ai theksoi gjithashtu se PS ka burime njerëzore shumë të mira, të cilat mund të marrin përsipër Ministrinë e Brendshme.



“Emri im, nja 7 vite po njëherë…Unë jam Sekretar i Përgjithshëm i PS. Kemi një libër rregullash që e pamundëson sekretarin të marrë detyra ekzekutive. Do ishte e vështirë që të largohesha. PS ka burime njerëzore shumë të mira të cilat mund të marrin përsipër dhe do ta marrin përsipër përgjegjësinë e ministrit të Brendshëm.


PS ka lidershipin e duhur, ekipin e duhur, dhe programin për të përballuar sfidat që ka Shqipëria sot e në vijim. Zgjedhjet e 25 prillit janë afër, ato do jenë të lira e të ndershme. I bëj thirrje të gjitha partive të heqin dorë nga këto ngjarje, dhe të bëhen gati për fushatën se në zgjedhje do votohet për programin, partinë e kandidatin”- tha Balla.

Risjellim në vëmendje se Sandër Lleshaj e dha dorëheqjen nga posti i ministrit të Brendshëm, dy ditë pas vrasjes së 25-vjeçarit Klodian Rasha nga një efektiv policie.

 

1


Etiketa: ,

Pas