Ministri i Bujqësisë në Kosovë, Besian Mustafa ka ndarë me ndjekësit e tij në “Facebook” emocionet e përftuara nga vizita në Tiranë.
“Tirana sot e mbushur me flamurë kosovarë dhe shqiptarë. O’ sa mirë me qenë shqiptar!”, ka shkruar Mustafa në rrjetin social.
I pari nga qeveria kosovare që komunikoi udhëtimin drejt Tiranës, ishte vetë kryeministri Avdullah Hoti, përmes një fotografie ku dukeshin të gjithë së bashku në një autobus.
Risjellim në vëmendje se qeveria kosovare dhe shqiptare janë mbledhur bashkë në Pallatin e Kongreseve, për të nënshkruar 14 marrëveshje në dobi të të dyja vendeve.