Ministri i Jashtëm i Greqisë, Nikos Dendias ka zhvilluar sot një takim me kryeministrin Edi Rama.
Në një postim në Twitter, ai shkruan se, në qendër të takimit ishin marrëdhëniet dypalëshe dhe perspektiva europiane e Shqipërisë.
“Në përfundim të vizitës time në Tiranë, u takova me kryeministrin shqiptar, Edi Ramën. Në qendër të diskutimeve ishin marrëdhëniet dypalëshe, perspektiva europiane e Shqipërisë dhe zhvillimet rajonale”, shkruan ai në Twitter.
Kujtojmë se ministri i jashtëm grek zhvilloi sot një sërë takimesh në Tiranë, me homologen, Olta Xhaçka, kryepeshkopin Anastas Janullatos dhe kreun e degës së Omonias në Himarë, Fredi Beleri. /Liberale.al
