Ministria e Arsimit duket se ka vendosur me detyrim vaksinën për të gjithë punonjësit e sistemit arsimor në sezonin e ri shkollor.
Thuhet se drejtuesve të institucioneve arsimore u është kërkuar lista e mësuesve që nuk kanë marrë ende vaksinën, ndërsa atyre i duhet bërë e qartë se në muajin shtator duhet të jenë të vaksinuar.
Mesazhi që ka mbërritur në celularin e drejtuesve të institucioneve arsimore
“Përshëndetje. Brenda ditës së sotme do të dërgoni listën e mësuesve që nuk janë vaksinuar. Ju lutemi sqaroni mësuesit se muajin Shtator 2021 i gjithë stafi drejtues, mësimor dhe ai ndihmës i institucioneve arsimore duhet të jetë i vaksinuar. Edhe njëherë lexoni mirë mesazhin të gjithë mësuesit që nuk e kanë bërë vaksinën urgjent të plotesojnë tabelën! Raportimi duhet urgjent për ZVA./Burimi – abcnews.al/