NJOFTIM PËR DHËNIEN ME QIRA TË TOKËS BUJQËSORE QARKU VLORË
- Fillimin e procedurës për dhënien me qira, me konkurrim publik, të tokës bujqësore në pronësi të shtetit, në përgjegjësi administrimi të Ministrisë së Bujqësisë dhe Zhvillimit Rural, me sipërfaqe prej 4 ha, për pasurinë nr. 445, Zona Kadastrale 3382, e cila ndodhet në fshatin Shkallë, Bashkia Konispol, Qarku Vlorë.
- Dhënia me qira e tokës bujqësore bëhet me qëllim dhënien në përdorim të tokës bujqësore në pronësi të shtetit për zhvillimin e veprimtarive bujqësore dhe/ose prodhim blegtoral.
- Konkurrimi do të zhvillohet më datë 19.10.2021, ora 11.00, në Ministrinë e Bujqësisë dhe Zhvillimit Rural, adresa BLV “Deshmoret e Kombit”, nr.2, Tiranë, Salla e Mbledhjeve Kati i II-të.
- Çmimi fillestar i qirasë, për fillimin e konkurrimit, është 120,320 (njëqind e njëzet mijë e treqind e njëzet) lekë/vit.
- Afati i dhënies me qira të kësaj pasurie të jetë në përputhje me parashikimet e Kreut VI, të Vendimit 373, datë 20.06.2018, të Këshillit të Ministrave “Për përcaktimin e kritereve, të rregullave procedurave dhe kontratës TIP për dhënien me qira të tokave bujqësore në pronësi të shtetit”, i ndryshuar, në varësi të kulturës bujqësore ose specie e bimëve me të cilat do të lidhet kjo veprimtari.
- Ofertuesit të paraqesin vetëm një ofertë, në datën dhe orën e caktuar, me dokumentacionin si vijon :
- Vetëdeklarimin për ekstraktin e regjistrit tregtar të personit fizik apo juridik, që ka paraqitur ofertën;
- Vërtetimin e kapacitetit financiar për jo më pak se 20 % të vlerës totale të investimit të propozuar në planin e biznesit nëpërmjet:
i. financimit dhe kreditimit nga ana e instituteve bankare ose financiare;
ii. kapaciteteve financiare të vetë investitorit, të provuara dhe siç rezultojnë nga pasqyrat financiare të audituara e të depozituara pranë administratës tatimore, të 3 viteve të fundit, kur kjo është e mundur, ose, nëse është themeluar pas këtij afati, të viteve/it të fundit;
iii. marrëveshje huaje në përputhje me Kodin Civil.
- Planin e biznesit të aktivitetit që do të ushtrohet, sipas modelit të miratuar me Udhëzimin 12, datë 30.07.2018, të Ministrit të Bujqësisë dhe Zhvillimit Rural;
- Raportin e vlerësimit të ndikimit në mjedis, të hartuar nga specialistë mjedisi të licencuar;
- Projektin e investimit në infrastrukturë kur kërkuesi parashikon ndërtimin e objekteve për prodhimin, ruajtjen, përpunimin e produkteve bujqësore dhe blegtorale apo objekte në funksion të agroturizmit, për të cilat kërkohet leje ndërtimi dhe kategoria e resursit ndryshon nga tokë bujqësore në truall, i përgatitur nga specialistë të licencuar, në përputhje me dokumentet e planifikimit të territorit;
- Afatin e përdorimit të tokës për qiramarrje, në varësi edhe të kulturave bujqësore ose specieve të bimëve që do të mbillen;
- Vetëdeklarimin që nuk ka detyrime financiare ndaj organeve tatimore qendrore e vendore, nuk është në ndjekje penale, nuk ka detyrime ndaj qiradhënësit si dhe nuk është në konflikt interesi me qiradhënësin;
- Vlerën e qirasë vjetore të ofruar për të gjithë sipërfaqen e tokës bujqësore, objekt qiradhënie;
- Sigurimin e ofertës në vlerën e qirasë së një muaji, duke e llogaritur me vlerën e shpallur në njoftimin për konkurrim.
- Ofertat paraqiten në një zarf të mbyllur jo transparent, i cili duhet të përmbajë një kopje origjinale ose të noterizuar të dokumentacionit të ofertës dhe ku të përcaktohen qartë identiteti dhe adresa e personit, fizik apo juridik të interesuar dhe të dorëzohen në zyrën e Protokollit të MBZHR-së (Kati i parë).
- Vlerësimi i ofertave do të bëhet sipas parashikimeve të Udhëzimit nr.12, datë 30.07.2018, të Ministrit të Bujqësisë dhe Zhvillimit Rural, “Për organizimin dhe funksionimin e bordit të qiradhënies, të komisionit të shqyrtimit të ankesave, kriteret e vlerësimit dhe mënyra e përllogaritjes së ofertave, si edhe kriteret dhe mënyra e llogaritjes së vlerës së qirasë, në procesin e marrjes me qira të tokës bujqësore në pronësi të shtetit”, Kreu III “Kriteret e vlerësimit dhe mënyra e përllogaritjes së ofertave”.
- Subjektet e interesuara për qiramarrje ose përfaqësuesit e tyre të pajisur me prokurë origjinale/fotokopjo të noterizuar dhe dokument identifikimi mund të marrin pjesë në çeljen e ofertave. Asnjë konkurrues nuk do të përjashtohet nga pjesëmarrja në procedurën e konkurimit në bazë të shtetësisë.
- Do të mbahet parasysh zbatimi i Ligjit nr. 107, datë 31.7.2014 “Për Planifikimin dhe Zhvillimin e Territorit”, i ndryshuar, përjashtimet sipas parashikimeve të Ligjit nr. 8752, datë 26.3.2001, “Për krijimin dhe funksionimin e strukturave të administrimit dhe mbrojtjes së tokës”, i ndryshuar, Ligjit nr. 9244, datë 17.6.2004, “Për mbrojtjen e tokës bujqësore, i ndryshuar si dhe parashikimet e Planit të Përgjithshëm Vendor miratuar për Bashkinë Konispol.
- Subjektet e interesuar mund të kërkojnë informacion për procedurën konkurruese pranë Ministrisë së Bujqësisë dhe Zhvillimit Rural në postën elektronike: [email protected].
- Ky njoftim do të publikohet në Buletinin e Njoftimeve Publike, në ambjentet e Bashkisë Konispol, Agjencisë Rajonale të Ekstencionit Bujqësor Lushnje, në faqen zyrtare të MBZHR-së dhe në dy gazeta kombëtare.
SEKRETAR I PËRGJITHSHËM
Enea Hoti
