Tre mjekë shqiptarë që punojnë në shtete të ndryshme të Europës i kanë bërë thirrje qytetarëve shqiptarë të tregojnë kujdes sepse në Shqipëri koronavirusi po shpërthen tani.
“Është shqetësuese, pasi rastet janë ngritur shigjetë. Nuk besoj se kjo është vala e dytë, por është vala e parë që po shpërthen tani. Popullata po shkujdeset. Është urgjente dhe gjendja është alarmante.
Flasim për një vend me 2 milionë e 900 mijë persona dhe kemi 76 persona të shtruar. 15 janë në kujdes intensiv. Ju bëj thirrje si mjeke, si qytetarë, të bëjmë kujdes.
Nuk ishim në pandemi në muajin mars kur ishim të mbyllur, por tani.” – tha Valbona Selimaj, mjeke që jeton dhe punon në Bruksel, për News24.
