Aktualitet

Mjeku Dasho-Ramës: Maska asnjë efekt gjatë gripit spanjoll, ndaj vdiqën 50 mln njerëz







Bëni LIKE faqen zyrtare në Facebook
               Publikuar në : 11:24 - 15/10/20 |
mapo.al

Mjeku Erion Dasho i kundërvihet kryeministrit Edi Rama për urdhrin e mbajtjes së detyrueshme të maskës në ambiente të hapura.


Në një postim në “Facebook”, Dasho i kërkon kreut të qeverisë të lërë propagandën dhe demagogjinë, dhe të veprojë mbi trinomin testo-gjurmo-trajto.


Duke i përmendur postimin e sotëm, që lidhet me gripin spanjoll dhe vdekjen e miliona njerëzve nga pakujdesia, Dasho shprehet se maska nuk pati ndonjë efekt sikundër pretendon kryeministri në parandalimin e epidemisë së vitit 1918.



Postimi i mjekut Erion Dasho në “Facebook”:


Ajshtajni ka thënë se “Mungesë zgjuarësie është të përsëritësh të njëjtën gjë dhe të presësh rezultate të ndryshme”.


Kushdo që do të shihte këtë fotografi të kohës së gripit spanjoll do të konkludonte se maska nuk pati ndonjë efekt në parandalimin e epidemisë së vitit 1918, përndryshe nuk do të kishin vdekur 50 milionë njerëz.

Dhe më e rëndësishmja:

Në vitin 2020, qeveria shqiptare nuk gjen dot një masë më inteligjente për të kontrolluar COVID-19 se sa masat që u përdorën 100 e kusur vite më parë??!!

Koha për veprim të bazuar mbi masa inteligjente dhe të drejtuar strategjikisht nga trinomi testo-gjurmo-trajto!!!

Boll me propagandë dhe demagogji!!!

 


Etiketa: , ,

Pas