Gjatë takimit dhe bashkëbisedimit sot të kreut të Opozitës me mjekët e familjes, lidhur me përballimin e pandemisë, janë ngritur shumë shqetësime dhe probleme.
Mjeku Mirgen Zaçellari, ka bërë të ditur se mungojnë kushtet bazike.
Ai bëri të ditur se nuk kanë paisje për matjen, saturimin e oksigjenit, që është një nga elementet kyçe në diagnostikimin e këtij infeksioni.
Zaçellari tha se shpesh mjekët i sigurojnë vetë paisjet me mundësitë e tyre.
Po ashu, ai evidentoi vonesat në reagimin e institucioneve, si Instituti i Shëndetit Publik. Sipas tij, pas referimit që mjeku i familjes bën për pacientë të caktuar, tamponimi mbërrin shumë vonë, shpesh mbas 7 ditësh, ku është ose me pasoja, ose e pamundur të dallohet nëse kanë qënë mbartës, sepse në jo pak raste personat e prekur pas një jave dalin negativë.
Nga takimi i sotëm i Lulzim Bashës me mjekët e familjes, rezultoi se kjo hallkë e rëndësishme e sistemit shëndetësor është lënë pa mbështetje, ndërkohë që potenciali është i madh për të trajtuar fenomenin që në ditët e para.
