Një ngjarje e rëndë ka ndodhur në qytetin e Hamburgut Gjermani, pasi një shqiptar është goditur nga një maqedonas teksa kanë pasur një sherr me njëri-tjetrin duke u goditur me thikë dhe si pasojë shqiptari ka humbur jetën.
Sipas informacioneve paraprake molla e sherrit, mes 24-vjeçarit dhe 36-vjeçarit maqedonas ka qenë një femër. Ishte dëshmia e shokut të ngushtë të shqiptarit, Agan Mehmeti, që hodhi dritë mbi ngjarjen e rëndë.
Vajza në fjalë, më herët kishte qenë e lidhur me maqedonasin, ndërsa tani ishte e dashura e Blerim Kolës.
“Zënka ka ndodhur për një vajzë, që tani ishte e dashura e Blerimit, por më parë ka qenë e lidhur edhe me autorin e vrasjes. Nuk e dimë nëse ka raportuar në polici dhe nuk e njohim vajzën nga afër. Nuk e kanë publikuar në gazetë.
Janë njohur bashkë dhe kanë vendosur të jenë bashkë, ndoshta si ka ardhur mirë atij pronari. Nuk dihet a ia ka pas Blerimi atij apo ai Blerimit.
Përpara katër muajsh ata kanë pasur një problematikë dhe kanë qëndruar 24 orë të arrestuar në polici, e cila i ka liruar më pas me idenë se ishte mbyllur ky sherr.
Sipas informatave e kanë pasur të ndaluar t’i afrohen njëri-tjetrit në distancë 500 metra. Por e kanë thyer urdhrin e mbrojtjes”, tha Mehmeti.
