A keni dëgjuar ndonjëherë për mollët e zeza? Ato janë një varietet i rrallë nga familja e mollëve “Hua Niu”. Quhen të zeza, por nuk janë saktësisht të zeza, pasi kanë një nuancë ngjyrë vjollcë.
Mollët unike, të cilat quhen “diamanti i zi” rriten në Nyingchi, një qytet i vogël në malet e Tibetit, (një nga rajonet e pavarura të Kinës), ku marrin shumë dritë ultravjollcë gjatë ditës. Ndërkohë që temperatura luhatet në mënyrë drastike gjatë natës, duke bërë që lëkura të marrë një ngjyrë të errët. Pjesa e brendshme e mollës është njëlloj si e çdo molle tjetër.
Mollët e zeza gjithashtu mund t’i gjeni në SHBA, edhe pse kanë ngjyrë pak më të hapur. Ato quhen Arkansas Black. Këto mollë vilen në përiudhën e vjeshtës, ashtu si të gjitha mollët e tjera, por në këtë periudhë ka një shije të athët. Ato duhet të ruhen për disa muaj, deri sa të marrin një shije të ëmbël dhe të bëhen më të buta.
