Pasditen e sotme u shënua një atentat ndaj prokurorit Arjan Ndoja tek Mbikalimi i Shkozetit. Ai është një prej personave të plagosur nga breshëria e plumbave të kallashnikovit që u shtinë në drejtim të “Benzit GL” me targë 333 ZD me të cilin udhëtonte prokurori dhe dy persona të tjerë.
Ai shoqërohej në makinë nga Aleksandër Laho, i njohur ndryshe edhe si Landi Muharremi, një person me precedentë penalë dhe nga shoferi Andi Maloku, i cili ka mbetur po ashtu i plagosur.
Mësohet se Laho është person me precedentë penalë, një nga personat që ka rrahur një biznesmen në vitin 2016. Të plagosurit janë dërguar në spitalin e Durrësit, teksa prokurori Ndoja, i qëlluar me 2 plumba, është jashtë rrezikut për jetën.
***
Burime për Mapo bëjnë me dije se reparti i forcave speciale ka ndaluar një person si të dyshuar, që ka ndjekur makinën para atentatit. Paralelisht, mësohet se kanë nisur kontrollet në Shijak, Sukth, si dhe në disa lagje të Durrësit, pasi mendohen si pika ku mund të jenë fshehur autorët e krimit.
Pamjet nga vendngjarja, të siguruara nga JOQ.al:
LEXO EDHE:
U plagos me dy plumba në atentat, ja gjendja e prokurorit Arjan Ndoja
Në makinën e prokurorit, kush është i tmerrshmi që dhunoi barbarisht biznesmenin libanez
Atentati ndaj Ndojes/ RENEA zbarkon në Durrës, ndalohet një i dyshuar
“Punon për bandat”/ Çfarë tha Rama për prokurorin Arjan Ndoja