Mario Draghi tha të enjten se do të jepte dorëheqjen si kryeministër, pasi një parti politike në koalicionin e tij qeverisës në Romë refuzoi të merrte pjesë në një votëbesim më herët gjatë ditës.
“Do t’i paraqes dorëheqjen time presidentit të republikës këtë mbrëmje,” – i tha Draghi kabinetit, sipas një deklarate të publikuar nga Reuters. Mësohet se presidenti italian e ka refuzuar dorëheqjen e tij.
“Koalicioni i unitetit kombëtar që mbështeti qeverinë nuk ekziston më,” tha ai.
Lëvizja “Pesë Yjet”, një nga partitë në qeverinë e koalicionit të kryesuar nga Draghi, kundërshtoi një dekret të ri që synonte uljen e inflacionit dhe rritjen e kostove të energjisë. Analistët, megjithatë, kanë argumentuar se kundërshtimi ndaj kësaj pakete politike nuk është aq shumë ideologjik, por rezultat i mosmarrëveshjeve të brendshme partiake.
Draghi ka qenë në pushtet që nga shkurti i vitit 2021 dhe ka udhëhequr një qeveri të formuar nga disa parti dhe teknokratë me synimin për të sjellë stabilitet në Itali, e cila shpesh krijon kaos politik.
Italia do të mbajë zgjedhje të reja parlamentare përpara qershorit 2023, por pasiguria e fundit në Romë mund ta afrojë zgjedhjet e përgjithshme.
Draghi, pavarësisht se ka ende një shumicë në Parlamentin italian, pa mbështetjen e Lëvizjes “Pesë Yjet”, ka thënë më parë se nuk do të dëshironte për të drejtuar një ekzekutiv tjetër.
