I nxehti afrikan mund të përfundojë brenda pak ditësh, por jo përpara parashikimeve të ekspertëve. Sipas ekspertëve italianë pas 10 ditëve të ardhshme, të cilat do të jenë të karakterizuara nga një vapë përvëluese deri në 45 gradë në disa rajone, do të mbërrijë një valë më e freskët dhe do të bëjë që të ulen ndjeshëm temperaturat.
Të martën e 5 korrikut do të nisë ulja e ndjeshme e temperaturave dhe më 6 korrik parashikohen temperatura normale për stinën, ose edhe më të ulëta në disa zona.
Ekspertët e 3bmeteo kishin parashikuar se i nxehti afrikan do të thyhej midis datave 1 dhe 2 korrik. Por mesa duket pas 5 korrikut freskia mund të zhdukë Karonin e zjarrtë që po dëmton zonat e Mesdheut, me temperatura tepër të larta, mbi normalen, dhe më një thatësirë që po shkakton edhe zjarre të shumta në pjesë të ndryshme të Europës.
Ekspertët vlerësojnë se ana e Adriatikut në rajonin tonë pas 5 korrikut do të përfitojë më shumë nga ulja e nxehtësisë, me temperatura që pritet të bien edhe nën mesataret sezonale, me një rënie të menjëhershme 8 deri në 10 gradë brenda 24-48 orëve.
