Sociale

Moti: Zjarrfikësja transporton fëmijën e sëmurë, pezullohet mësimi në 280 shkolla





Na ndiqni në Facebook
               Publikuar në : 11:41 - 10/01/19 |
mapo.al

Prej disa ditësh tashmë vendi është nën pushtetin e borës dhe motit të ftohtë, ndërsa disa fshatra mbeten të bllokuara, duke sjellë dhe rreziqe për jetën e personave që kanë probleme me shëndetin.


Kështu së fundi raportohet se në fshatin Kolonjë të Gjirokastrës një fëmijë i sëmurë rëndë kërkon ndihmë.



Autoambulanca nuk shkoi dot për shkak të terrenit me deborë dhe rrjedhimisht u bllokua. Më vonë, Ministria e Mbrojtjes njoftoi se “për rastin e fëmijës në Kolonjë, një mjet zjarrfikës ka mundësuar kalimin e fëmijës e familjarëve të tij për në spital”.


Pas urdhrit të djeshëm për pezullim të mësimit në 280 shkolla për shkak të motit të keq, Ministria e Arsimit, Sportit dhe Rinisë vjen me një tjetër vendim. Duke marrë shkas nga rëndimi i kushteve atmosferike për disa qarqe, Ministria e Arsimit bënë me dije se disa Drejtori Arsimore Rajonale kanë marrë vendimin për pezullimin e përkohshëm të procesit mësimor në disa shkolla.

Nga informacionet e raportuara nga Drejtoritë dhe Zyrat Arsimore për datën 10 janar 2019, situata paraqitet si më poshtë vijon:

Në 16 Drejtori dhe Zyra Arsimore si: Gjirokastër, Librazhd, Pukë, Tepelenë, Përmet, Kukës, Tropojë, Has, Dibër, Mat, Bulqizë, Korçë, Pogradec, Devoll, Mirditë dhe Malësi e Madhe, është pezulluar procesi mësimor për të gjithë nxënësit.

Në 6 Drejtori dhe Zyra Arsimore, mësimi është ndërprerë në disa shkolla si: Shkodër në 28 shkolla, Gramsh në 4 shkolla, Vlorë në 2 shkolla, Lezhë në 3 shkolla, Kolonjë në 4 shkolla dhe Delvinë në 1 shkollë.

Në Drejtoritë Arsimore dhe Zyrat Arsimore: Elbasan, Peqin, Tiranë Qytet, Tiranë Qark, Kavajë, Durrës, Fier, Lushnjë, Krujë, Kuçovë, Berat, Skrapar, Laç, Sarandë, Mallakastër etj, mësimi zhvillohet normalisht ose me orë të reduktuara.

Ministria e Arsimit, Sportit dhe Rinisë vijon të jetë në monitorim dhe kontakt të vazhdueshëm me institucionet e varësisë dhe drejtuesit e prefekturave për menaxhimin e situatës së krijuar për shkak të kushteve atmosferike.


Etiketa: , , , , ,

Pas