Ish-ministri i Drejtësisë, Ylli Manjani, dhe familja e tij kanë fituar me sukses betejën ndaj koronavirusit.
Lajmin e ka bërë me dije vetë ai me anë të një postimi në facebook, ku shprehet se pas ribërjes së testit të dytë rezulton se janë negativizuar për Covid 19. Manjani shkruan se ai dhe familja e tij ia hodhën nga virusi i rrezikshëm pa u bërë statistika e ditës e qeverisë.
“Pas 10 ditësh pozitivet, kthehemi prap në negativitetin që na karakterizon. Një 10 ditësh ku kaluam temperaturë të lartë, dhimbje trupi e këputje. Ishim e gjithë familja njësoj.
Por ja hodhëm. Me ndihmën e këshillave mjekësore dhe me vitamina. Ja hodhëm pa qenë e nevojshme të ishim statistika e ditës e qeverisë… Unë jam dhe me “precedent” dmth me sëmundje bashkshoqëruese dhe, statistikat e qeverisë më shpallin fajtor në çdo rrethanë…
Kësaj të fundit po i kursejmë edhe 4 vaksina, nga ato që nuk i ka gjetur akoma. Por kur ti gjejë, nuk ja duam!
U “vaksinuam” në mënyrë urbane me material bioligjik të gjallë. Kështu që i falemi me shnet Phizit (Phizerit)..!”