Mapo Letrare

Mua nuk me vjen më asnjë letër





Bëni LIKE faqen zyrtare në Facebook
               Publikuar në : 13:03 - 20/06/20 |
Nga Xhelal Tosku

Cikel poetik nga Xhelal Tosku


 


***


katundi im iku


kapërceu ylberin

mbi supet e pemëve

dhe kuajt e braktisur

netëve bien shirat

thonë qajnë yjet

askush nuk i sheh

nga pyje njerezish

mua nuk me vjen më

asnjë letër

 

***

përroi im

rrjedh nga kodrat përballë

 

jeta nuk ekziston

ekzistoj vetëm unë

dhe ky dru i vogël arre

në fund të kopshtit.

 

***

 

edhe dritën të ndezësh

për mua njëlloj është:

errësirë.

 

pak e nga pak

përditë e nga pak

të gjithë ju

mbollët tek unë

kaq shumë pikëllim

 

paskam një dhimbje të madhe

në shpirt

 

***

qielli blu i thellë

rrugës shkon e këndon për ty

kush po këndon

 

flokët e tut ë verdhë

rrugës shkon e psherëtin

për ty

kush po psherëtin

 

vetëm ti e di

 

***

 

dje fare pranë teje

sot larg, shumë larg

 

dheut nuk i duhen

eshtrat e mija

qiejt nuk i dua vetë

 

më thuaj vetëm një fjalë

një fjalë të vetme

që te mos çmendem

 

***

o mumje fol

sepse une do të flas

për vete time

 

***

Filozofia

 

koha nuk ekziston

nuk besoni: e them unë

që koha do më hajë

 

***

lumi i fushave të mia

do bëhet det

përroi i kopshtiit tim

do bëhet det

loti i syrit tim

det do te bëhet

sepse dashuria bën

ashtu si di.

 

 

 


Etiketa:

CLOSE
CLOSE
Pas