Dosja e sekuestrimit të pasurisë së Ylli Ndroqit, mes të cilave dhe mediet RTV Ora dhe Ora News u bënë pjesë e diskutimit në Kuvend ku ishte thirrur Arben Kraja për të raportuar për punën e vitit 2020.
Myslim Murrizi, kryetari i Lëvizjes Demokratike Shqiptare nga foltorja e Kuvendit la të kuptojë se SPAK ka bërë hetime selektive.
“Kam sekuestruar sot thotë 32 pasuri të Ylli Ndroqit. Ylli Ndroqi është vrime e fundit të kavallit në vagonët e korrupsionit të klasës politike 30 vjeçare. Le që nuk është pjesë e politikës, Po pse këta të tjerët, 4 mediat prestigjioze kombëtare që bëjnë marketing e i përdorin si 12.7 për të gjuajtur ato që kanë tendera në duar dhe pasi realizojnë firmosin një kontratë tenderi, leje ndërtimi apo koncesion apo heqje me ligj siç ky parlament në turpin e tij keni hequr akcizën e pijeve energjike kur ata që na e sollën me votë prisnin që të hiqnin akcizën e naftës”.
Gjatë raportimit Murrizi ngriti pyetjen dhe përse nuk hetohen për pasuritë e paligjshme të ‘jakave të bardha” të cilat banojnë në zona të njohura në Tiranë si vendbanime të personave të pasur.
“Sa yje të tjerë me jaka të bardha me kollare ka ky vend. Miliona Euro pasuri të pajustifikuara në Liqenin e Thatë, lalëz ..para TEG pas TEG a ka marrë ndonjë nismë SPAK ti për ti thënë se ku është burimi i të ardhurave tuaja dhe ke 7 hale për mace para se të shkojmë tek Ylli”
Replikon Arben Kraja: Nuk jam personi që i dënoj, unë jam drejtuesi i Prokurorisë dhe në këtë cilësi unë kam detyrime ligjore për të krijuar kushte të gjithëve që të funksionojmë. SPAK nuk del në rrugë dhe t’i kërkojë llogari dikujt e ti thotë ku e bleve këtë shtëpi. …
Murrizi akuzoi Arben Krajën se po fsheh të kalurën peng i së cilës është.
“Një njeri që i trembet së kaluarës së tij nuk besoj se është i patrellur për të sotmen e të ardhmen aq më shumë në një drejtësi që shqiptarët aspirojnë. E kam shkruar që kam qenë hetues në 1987 thotë. Unë të pyeta a ke qenë kandidat për deputet i Bashkimit të Rinisë Punës së Shqipërisë. Çfarë kompleksi është të thuash ke qenë. Fare mirë mund të thoje.
Kam qenë. Nuk blehet e kaluara as me ofiçe shteti e as me para. Çfarë është ky kompleks inferioriteti? E pres unë që ky të hetojë funksionarë të lartë të shtetit të sotëm shqiptarë që detyrojë të largojë nga puna drejtorin e Hetimit të Doganës për qindra mijëra qese e plehra që vijnë nga Shangai në Durrës, e të zbardhë të vërtetën.”
