Punonjësit e inceneratorit të Fierit kanë dalë sërish sot në protestë për të kërkuar pagat e tyre të papaguara.
Ata kanë kërcënuar sot se do të hyjnë në grevë urie, pasi thonë se janë mashtruar e gënjyer.
“Jemi mbytur në borxhe, po bëjmë sherr me gruan dhe fëmijët. Administratori Faraudin Arapi na tha se do kalonin 4 paga. Nuk mbajtën fjalën, do hyjmë në grevë urie”, tha një prej tyre.
Një tjetër punonjës, thotë se dita e fundit e likuidimit ishte e mërkura.
“Protesta do të vazhdojë derisa të likuidojnë rrogat. Na gënjyen prapë. Të mërkurën tha ai do t’ju likuidojmë. Dita e fundit ishte dje. Dje telefonat janë mbyllur”, tha një prej tyre.
Punëtorët e inceneratorit të Fierit nuk kanë lejuar këtë mëngjes makinat me mbetje të hynë dhe të shkarkohen.
