Nënkryetarja e LSI në Tiranë, Brisida Shehaj ka reaguar për naftëtarët e Ballshit dhe thirrjet e kryeministrit Edi Rama, për daljen e tyre nga greva e urisë.
Në një postim në “Instagram”, Shehaj u drejtohet naftëtarëve dhe u thotë të mos dorëzohen pa marrë pagat e tyre.
Më tej, Shehaj shprehet se shteti duhet çuar në këmbë dhe të shkojë tek naftëtarët, jo e kundërta.
Postimi i Brisida Shehajt në “Instagram”:
Të dalin naftëtarët nga greva?!
Jo mor jo, të çohet shteti në këmbë e të shkojë tek ata.
Nuk është greva e parë kjo, i besuan disa herë shtetit dhe përfundimi: s’kanë bukë, drita, ilaçe, ujë, etj.
Nuk mendoja se do e thosha ndonjëherë, por ju lutem për të mirën tuaj qëndroni të fortë, nëse doni zgjidhje, në të kundërt do gënjeheni si përherë.
Shteti i ka mundësitë për ta zgjidhur këtë problem.
Janë shqiptarë ata që e krijuan problemin.
E ndërkohë që ju dergjeni në krevatet e grevës, ata ngrenë kulla në Tiranë.
