Naftëtarët e Ballshit janë futur në ditën e 21-të të grevës së urisë, ndërkohë pretendojnë se po u bëhet presion për të hequr dorë. Grevistët shprehen të vendosur në kauzën e tyre, duke thënë se nuk do të dalin nga greva pa marrë pagat.
2 prej naftëtareve raportohet se kanë shkuar në spitalin e Fierit për ndihmë mjekësore, njëra me protezë e tjera me gjendra tiroide. Por gjendja e rënduar shëndetësore duket se nuk i step.
“Me këtë heshtje kuptojmë që qeveria nuk do ta zgjidhë çështjen tonë. Ne jemi për bukën e gojës”, u shpreh një naftëtare. “Mos të na bëjnë presione që të lëmë grevën, pasi do të bëjmë ndonjë vetëflijim që të mbetet në histori”, vijoi ajo.
Risjellim në vëmendje se kryeministri Edi Rama i mëshon daljes së naftëtarëve të Ballshit nga greva, në të kundërt nuk premton zgjidhje të çështjes; marrje page apo rifillim pune në rafineri.
