Partia Demokristiane, e drejtuar nga Nard Ndoka, ka depozituar pranë Komisionit Qendror të Zgjedhjeve kërkesën për t’u regjistruar si parti në zgjedhjet e pjesshme.
Zgjedhjet vendore për kryetar bashkie, që zhvillohen në 6 mars në bashkitë Shkodër, Dibër, Vorë, Durrës, Rrogozhinë e Lushnjë.
PDK është partia e pestë që regjistrohet në këto zgjedhje, pas PS-së, PD-së, LSI-së dhe Partisë Kristian Demokrate.
Ndërkohë Komisioni i rithemelimit ende nuk është regjistruar në këto zgjedhje, ndërsa nesër do të përzgjedhë kandidatët për 6 bashkitë.
Afati i fundit për të depozituar kërkesën për regjistrimin në zgjedhjet e pjesshme vendore për partitë është 31 janari, kurse për kandidatët është 9 shkurti.
