Mjeku dhe epidemiologu i shquar, Ibrahim Luloçi ka ndërruar jetë.
Lajmin e trishtë e dha Instituti i Shëndetit Publik.
Si epidemiolog me shumë eksperiencë, i njohur nga të gjithë si doktor Mimi, ai punoi për shumë vite pranë repartit të mikrobeve aerogene duke drejtuar disa fushata vaksinimi që nga Variola në vitin 1972 deri tek poliomieliti, fushatat masive të Fruthit dhe Rubeolës në vitet 2000-2001.
Dr. Luloçi ishte themeluesi i programit te zgjeruar të vaksinimit dhe së bashku me kolegët e tjerë krijuan depon e parë moderne frigoriferike në vend për ruajtjen e vaksinave.
“U prehsh në paqe Dr. Mimi! Respekt dhe mirënjohje nga i gjithë stafi i ISHP-së”. Ka qenë mesazhi i Institutit të Shëndetit Publik, pas ndarjes nga jeta të Epidemiologut, Ibrahim Luloçi.
/Liberale.al/
