Aktualitet

Ndahet nga jeta “Partizani i vogël Velo”, Konstandin Ropi








Bëni LIKE faqen zyrtare në Facebook
               Publikuar në : 11:07 - 04/08/20 |
mapo.al

Është ndarë nga jeta në moshën 90-vjeçare Konstandin Ropi, heroi i letrarizuar i subjektit të filmit “Partizani i vogël Velo”.


Konstandin Ropi ka lindur në Leshnicë, Vithkuq në vitin 1930.


Ai mbeti jetim që në moshë të vogël, pasi iu vranë prindërit dhe doli në mal partizan në moshën 12-vjeçare.


Është personazhi real i filmit të Kinostudios “Shqipëria e Re” që u kthye në heroin e filmit “Partizani i vogël Velo”.


Pas Çlirimit ka mësuar në një shkollë ekonomike për kontabilitet në vitet 1947 – 1948. Më pas ka studiuar në shkollat ushtarake në Bashkimin Sovjetik.


Në Tiranë përfundoi Shkollën e Bashkuar të Oficerëve dhe Akademinë Ushtarake. Më pas, kur mbaroi Akademinë Ushtarake shkoi me shërbim në Durrës ku shërbeu për shumë vite.

Pas daljes në pension u rikthye në vendlindje në Korçë.

Konstandin Ropi kishte në zotërim një arsenal dekoratash të marra për veprimtarinë e tij në luftë, si: medaljen e trimërisë, medaljen e flamurit, ndërsa në Moskë është dekoruar nga ish-presidenti rus Boris Jelcin me dekoratën e luftëtarit kundër Nazizmit.

Koco Ropi do të varroset sot në qytetin e Korçës në orën 14.00.


Etiketa: ,

Pas