Teksa ministrja Belinda Balluku po garantonte qytetarët se nuk do të kenë ndërprerje të energjisë elektrike, për ironi të fatit, dritat në kuvendin e Shqipërisë u ndërprenë gjatë fjalës së saj.
“Sa gëzohesh, Helidon, ti gëzohesh gjithmonë”.
Një situatë e tillë u përballua me sportivitet nga ministrja e Energjitikës.
“Shiko si u kthye, patjetër, jo nuk do pres se kam punë, por do të dëgjoj. Që të mbaj atë dritën e kuzhinës se tmerroheshin kalamajtë”.
Por disa ironi nuk ia kurseu deputetit demokrat Helidon Bushati.
“Helidon, pse s’ishe dje te tryeza energjetike? Unë nuk e prisja ministri hije i Energjitikës të mos ishte. Si tha, si tha? Do ma tregosh ti gjënë e anijeve se unë anijet i kam parë”.
Ndër të tjera, Helidon Bushati akuzoi qeverinë dhe KESH që përmes tenderave për energjinë po vjedhin paratë e taksapaguesve shqiptarë.
