Ministria e Jashtme e Shqipërisë ka njoftuar se do të ketë kufizime apo ndërprerje të punës në përfaqësitë diplomatike të Shqipërisë në Stamboll, Ankara, Mynih, Romë dhe Athinë. Shkak për këto ndërprerje janë bërë kushtet e vështirë klimatike, por edhe kufizimet e vendosura anti-COVID.
Sipas ministrisë në këto vende, kufizimet apo ndërprerjet t punës vijnë edhe si shkak i vendimit të qeverive përkatëse.
Njoftimi i plotë
Ministria për Evropën dhe Punët e Jashtme njofton se për shkak të kushteve të vështira klimatike dhe situatës nga pandemia Covid-19, do të ketë kufizime apo ndërprerje të punës në përfaqësitë diplomatike të Shqipërisë në Stamboll, Ankara, Mynih, Romë dhe Athinë.
Në disa prej shteteve të përmendura më lart, kufizimet apo ndërprerja e punës vijnë edhe si shkak i vendimit të qeverive përkatëse, për të përballuar situatën e krijuar nga pandemia dhe kushtet e vështira klimatike.
Në raste emergjencash, lutem kontaktoni në numrat e posaçëm të përfaqësive diplomatike:
Stamboll: +905459461456
Ankara: +905449622617
Mynih: +4915237913997
Romë: +393420498192
Athinë: +306941658183
Ministria për Evropën dhe Punët e Jashtme mbetet e angazhuar për t’ju përgjigjur qytetarëve në kohë reale.
