Ndërron jetë ish-ushtaraku i lartë, nuk e fitoi dot betejën me Covid-19

Covid-19 i ka marrë jetën së fundmi një ish-ushtaraku. Bëhet fjalë për Petrit Myftiu, një nga eksponentët kryesorë të Flotës Luftarake Detare Shqiptare.

Myftiu ndërroi jetë në spitalin “Shefqet Ndroqi”, pas një beteje të mundishme me Covid-19.

Ish-ushtaraku e filloi karrierën si kapiten nëndetëseje në moshën 23-vjeçare, duke vijuar më pas si drejtues i shtabit të brigadës nëndetëse në Vlorë.

Myftiu kaloi në Durrës si komandant i bazës ushtarake detare në Bishtpalle. Në përfundim të karrierës, ai ishte drejtues i flotës tregtare shqiptare.