Aktualitet

Ndërtoi kat pa leje në hotel, në pranga pronari, në kërkim ish-drejtori i Bashkisë Lezhë














Bëni LIKE faqen zyrtare në Facebook
               Publikuar në : 13:04 - 14/11/20 |
mapo.al

Një 46-vjeçar është vendosur në pranga nga Policia e Lezhës, për ndërtim të paligjshëm. Bëhet fjalë për Fred Ndoka, banues në Lezhë.






Pas një hetimi tre javor, mbi bazën e informacioneve të siguruara në rrugë operative, Fred Ndoka rezultoi se kishte ndërtuar në mënyrë të paligjshme një kat shtesë në hotelin e tij 7 katësh, në kundërshtim me vendimin e Agjencisë së Zhvillimit të Territorit.


Gjithashtu u konstatua se për procedurën e miratimit të lejes së ndërtimit, u ka premtuar përfitim material të identifikuarve me iniciale S.D. dhe A.M. – përkatësisht ish-drejtorit të Drejtorisë së Planifikimit të Territorit dhe Zhvillimit Urban në Bashkinë Lezhë dhe specialistit të kësaj drejtorie.







Këta të fundit janë shpallur sakaq në kërkim. Ndërsa e identifikuara me inicialet N.C., së cilës iu premtua po ashtu përfitim material, po procedohet në gjendje të lirë.




Njoftimi i Policisë:



Finalizohet operacioni policor “Urbanistika”.

Operacioni nga Seksioni për Hetimin e Krimit Ekonomik dhe Financiar në Drejtorinë Vendore të Policisë Lezhë, pas një hetimi 3-javor.

Vihet në pranga 1 shtetas, 2 të tjerë u shpallën në kërkim.

Procedohet në gjendje të lirë dhe një shtetase.

Specialistët për Hetimin e Krimit Ekonomik e Financiar në DVP Lezhë, në vijim të punës për evidentimin dhe goditjen e paligjshmerisë, pas një hetimi 3-javor, finalizuan operacionin “Urbanistika”, në kuadër të të cilit u godit një rast i shpërdorimit të detyrës dhe ushtrimit të ndikimit të paligjshëm ndaj personave që ushtrojnë funksione publike.

Si rezultat i këtij operacioni u bë ndalimi i shtetasit:

  1. F.N., 46 vjeç, banues në Lezhë, pronar i një subjekti në Shëngjin;

U shpallën në kërkim shtetasi S. D., 47 vjeç, ish-drejtor i Drejtorisë së Planifikimit të Territorit dhe Zhvillimit Urban në Bashkinë Lezhë dhe shtetasi  N. C., 41 vjeç, me detyrë specialist në Drejtorinë e Planifikimit të Territorit dhe Zhvillimit Urban në Bashkinë Lezhë

Specialistët e Hetimit të Krimit Ekonomik e Financiar pranë DVP Lezhë kanë zhvilluar hetimet mbi bazën e informacioneve të siguruara në rrugë operative se shtetasi F. N., pronari i një subjekti në Shëngjin, kishte ndërtuar në mënyrë të paligjshme një kat shtesë në objektin e tij 7-katësh, me funksion hotel, në kundërshtim me vendimin e Agjencisë së Zhvillimit të Territorit, duke ndikuar në mënyrë të paligjshme kundrejt premtimit dhe përfitimit material tek shtetasit  S. T., N. C. dhe A. M., për proceduren e miratimit të lejes së ndërtimit.

Materialet hetimore iu referuan Prokurorisë së Rrethit Gjyqësor Lezhë, për veprime të mëtejshme, për veprën penale “Shpërdorim detyrë” e kryer në bashkëpunim për shtetasit S. D., N. C., A. M., dhe “Ushtrimi i ndikimit të paligjshëm ndaj personave që ushtrojnë funksione publike” dhe “Ndërtim i paligjshëm” për shtetasin F. N.

1


Etiketa: , ,

Pas