Kryesore

Ndryshimet kushtetuese/ Opozita e Bashkuar: Akt diabolik i Ramës, zhbën marrëveshjet politike





Bëni LIKE faqen zyrtare në Facebook
               Publikuar në : 22:07 - 21/07/20 |
mapo.al

Pas miratimit të marrëveshjes sot mes maxhorancës dhe opozitës parlamentare për reformën zgjedhore, vjen reagimi i parë nga opozita e bashkuar.


Përmes një deklarate të përbashkët, opozita e bashkuar thekson se ndryshimi i njëanshëm kushtetues për ndalimin e koalicioneve zgjedhore zhbën të dyja marrëveshjet politike për zgjedhjet, atë të 14 janarit dhe atë të 5 Qershorit.


Sipas opozitës, marrëveshja e sotme është dëshmi e planit diabolik të kryeministrit Rama që të miratojë fillimisht për fasadë marrëveshjen e 5 qershorit, të vërë në lojë partnerët ndërkombëtarë, SHBA dhe BE dhe të ndalojë koalicionet si subjekt zgjedhor.


DEKLARATA E OPOZITËS SË BASHKUAR
Ndryshimi i njëanshëm kushtetues për ndalimin e koalicioneve zgjedhore zhbën të dyja marrëveshjet politike për zgjedhjet, atë të 14 Janarit dhe atë të 5 Qershorit.


Akti i sotëm është dëshmi e planit diabolik të Edi Ramës që të miratojë fillimisht për fasadë Marrëveshjen e 5 Qershorit, të vërë në lojë partnerët tanë strategjikë, SHBA dhe BE dhe vetëm 1 javë më vonë ta zhbëjë marrëveshjen me ndryshime të njëanshme kushtetuese, që ndalojnë koalicionet si subjekt zgjedhor.

Edi Rama gënjen, kur thotë se po hap listat, sepse pjesën fituese të tyre, 1/3 e listës, e mban të mbyllur, duke dalë zbuluar se i vetmi qëllim është ai i ndalimit të koalicioneve si subjekt zgjedhor.
Zhbërja nga Edi Rama i marrëveshjeve të 14 Janarit dhe 5 qershorit përbën një akt të rrezikshëm me pasoja të paparashikueshme për stabilitetin e vendit.

Ky akt i paprecedentë në 30 vite pluralizëm është, po kështu, një thyerje e rëndë e besimit të partnerëve strategjikë SHBA dhe BE që u investuan, përshëndetën dhe vazhdojnë të insistojnë në zbatimin e Marrëveshjes së 5 qershorit pa asnjë ndryshim dhe pa ndryshime kushtetuese që e shkatërrojnë atë.

Ky akt tinzar prej frikacaku tregon tmerrin e kryeministrit në ikje nga zgjedhjet dhe rotacioni i pashmangshëm. Opozita e Bashkuar garanton të gjithë qytetarët se do të bëjë gjithçka, që faturën e rëndë që ky akt sjell për demokracinë, stabilitetin dhe integrimin e vendit ne Bashkimin Europian, ta paguajë vetëm Edi Rama dhe jo Shqipëria e shqiptarët.

LEXO EDHE:

Rama firmos marrëveshje me Opozitën Parlamentare, bën fakt të kryer ndryshimet mbi 5 Qershorin

Rama: Hapja e listave sjell ndryshimin e Kodit Zgjedhor


Etiketa: , ,

CLOSE
CLOSE
Pas