Aktualitet

Ndryshimet në Arsim/ Reagon Vokshi: Secila ministre është pasqyrë e dështimit të Edi Ramës







Bëni LIKE faqen zyrtare në Facebook
               Publikuar në : 21:37 - 14/09/20 |
mapo.al

Ish-deputetja e Partisë Demokratike, Albana Vokshi ka reaguar lidhur me largimin ministres së Arsimit, Besa Shahini dh zëvendësimi i saj me Evis Kushin.


Vokshi shkruan se nuk ka rëndësi si quhet ministrja e Arsimit, Lindita, Besa, Evis. Secila është pasqyrë e dështimit të Edi Ramës me arsimin.


Sipas ish-deputetes, ministrja e re e Arsimit ka dy detyra të rëndësishme deri në prill 2021, të sigurojë testimin e të gjithë mësuesve, shpërblimin e tyre për vështirësinë e punës dhe kushte minimale anticovid në shkolla dhe të mos i bindet shefit të saj në ikje për të përdorur mësuesit në zgjedhje.



Reagimi i Vokshit:


A është më mirë arsimi në vitin e 8-të dhe të fundit të qeverisjes së Edi Ramës?


Demokratë dhe socialistë kanë të njëjtën përgjigje: Jo!

Nuk ka rëndësi si quhet ministrja e Arsimit, Lindita, Besa, Evis. Secila është pasqyrë e dështimit të Edi Ramës me arsimin.

Investimet në arsim janë me pikatore, sepse Edi Rama mashtroi qytetarët.

– Ai jo vetëm mashtroi me financimin prej 5% të prodhimit të brendshëm bruto në arsim, por e uli çdo vit fondin duke e cuar Shqipërinë në vendin e fundit në rajon.

– Shkollat sot janë më keq, ato jo vetëm nuk i përgjigjen zhvillimit të teknologjisë, por pjesa më e madhe e tyre me infrastrukturë të degraduar. Nuk bëhet fjalë për tabletat, apo laboratorët modernë të premtuar në shkolla që nuk kanë as kushtet më minimale, as ujë të rrjedhshëm.

– Mësuesit janë cdo ditë nën presion politik, drejtuesit e shkollave janë militantë partiakë. Kjo ka ulur ndjeshëm cilësinë në shkolla.

– Siguria në shkolla është ulur. Në to janë fshehur edhe krime monstruoze vetëm për të mos dëmtuar imazhin e qeverisë.

Në 7 muajt e mbetur deri në prill, Ministrja e re e Arsimit, ka 2 detyra në të cilat paraardhëset e saj kanë dështuar:

1-Të sigurojë testimin e të gjithë mësuesve, shpërblimin e tyre për vështirësinë e punës dhe kushte minimale anticovid në shkolla.
2- Të mos i bindet shefit të saj në ikje për të përdorur mësuesit në zgjedhje.

Mësuesit po presin qeverisjen e vendit nga PD për ngritjen reale të pagave të tyre, për një trajtim dinjitoz dhe per arsim cilësor në shkolla dhe universitete.


Etiketa: , , ,

CLOSE
CLOSE
Pas