Kronika

Në automjet dhe mes pallateve në ‘Astir’, si u arrestua Ilir Xhepaj





Bëni LIKE faqen zyrtare në Facebook
               Publikuar në : 09:00 - 28/06/20 |
mapo.al

Gjatë natës, policia ka arrestuar Ilir Xhepajn, si bashkëpunëtor i autorit Eduart Lamaj, në vrasjen e dy biznesmenëve në Laç, Paulin Gjergji, dhe Bujar Lika mbrëmjen e 30 majit.


Ilir Xhepaj është një person me të shkuar kriminale të spikatur dhe i njohur për autoritetet.


Kujtojmë se në muajin maj, Xhepaj u përfshi në dy atentate. I pari një tentativë vrasje ndaj një biznesmeni, ndërsa i dyti është vrasja e dy biznesmenëve në Laç, Bujar Lika dhe Paulin Gjergji.


Si u arrestua Ilir Xhepaj


30 minuta pas mesnatës, Xhepaj u pikas në zonën e ‘Astirit’ me automjetin e tij mes pallateve. Në atë moment, ai është pikasur nga Forcat Operacionale dhe më pas u prangos duke iu dorëzuar Policisë së Kurbinit.

Kujtojmë se Xhepaj është autori i dytë pas Lamajt, nga grupi i 4 personave që natën e 30 majit kryen vrasjen e 2-fishtë në hotelin A&A në Laç.

Njoftimi i Policisë:

Finalizohet operacioni policor i koduar “Ndjekja”.

Kapet dhe vihet në pranga autori i dytë i dyshuar i vrasjes së dyfishtë, ngjarje e ndodhur më 30 maj 2020 në Fushë-Gjormë, Kurbin, person me rrezikshmëri të lartë shoqërore

Gjithashtu, ky shtetas është me masë sigurie “Arrest në burg”, për plagosjen me armë zjarri të shtetasit Z. M., ngjarje e ndodhur në Laç, më datë 15.05.2020.

Operacioni për kapjen e këtij shtetasi u zhhvillua në Tiranë, falë bashkëpunimit mes Policisë së Tiranës, Kurbinit dhe Lezhës dhe Drejtorisë së Forcës së Posaçme Operacionale në Drejtorinë e Përgjthshme të Policisë së Shtetit.

Nga Komisariati i Policisë Kurbin dhe DVP Lezhë, në bashkëpunim me DVP Tiranë, në koordinim nga Departamenit i Policisë Kriminale dhe nën drejtimin e Prokurorisë Kurbin, në vijim të veprimeve hetimore për zbardhjen dhe dokumentimin e plotë të ngjarjes,si dhe për kapjen e autorëve dhe bashkëpunëtorëve të ngjarjes së datës 30 maj në fshatin Gjormë dhe të ngjarjes së ndodhur më 15 maj në Laç, kanë vijuar puna intensive dhe të pandërprerë, duke ushtruar kontrolle në banesa dhe ambiente të ndryshme në Laç, Lezhë, Kamzë e Tiranë.

Mbi bazën e informacioneve të siguruara gjatë hetimeve të kryera për zbardhjen e ngjarjeve kriminale të ndodhura gjatë muajit maj 2020, Policia e Kurbinit ka arritur të lokalizojnë vendodhjen e 33-vjeçarit të shpallur në kërkim, ku pas disa ditë ndjekjeje në bashkëpunim me DVP Tiranë, është finalizuar operacioni policor “Ndjekja”, duke bërë të mundur kapjen dhe ndalimin e shtetasit I. Xh. (L.), 33 vjeç, banues në Laç, Kurbin, i dyshuar si autor i dytë i vrasjes së dyfishtë të ndodhur më 30 maj 2020 në Fushë Gjormë Kurbin.

Gjithashtu, për këtë shtetas Gjykata e Rrethit Gjyqësor Kurbin kishte dhënë masën e sigurisë “Arrest në burg”, për veprat penale “Vrasje me dashje mbetur në tentative” dhe “Armëmbajtja pa leje”, pasi në 15 maj 2020, në lagjen nr. 4, Laç, Kurbin, ka plagosur me armë zjarri shtetasin Z. M.

Materialet hetimore u referuan në Prokurorinë e Rrethit Gjyqësor Kurbin, për veprime të mëtejshme, për veprat penale në ngarkim të tij “Vrasja me dashje,e kryer në bashkëpunim “, “Vrasje e mbetur në tentativë” dhe “Armëmbatja pa leje”.

LEXO EDHE: 

Vrasja e dyfishtë në Laç/ Arrestohet Ilir Xhepaj, bashkëpunëtori i autorit Eduart Lamaj

 


Etiketa: , ,

CLOSE
CLOSE
Pas