Aktualitet

Në bodrum 2 bombola të tjera, detaje nga shpërthimi në ish-bllok






               Publikuar në : 10:44 - 16/07/19 |
mapo.al

Përmasat e shpërthimit të djeshëm në zonën e ish-bllokut mund të ishin tragjike. Disa orë pasi një dyqan eventesh u përfshi nga flakët në rrugën “Vaso Pasha”, duke lënë të plagosur pesë persona, mes tyre edhe dy bashkëshortë, pronarët e një argjendarie aty pranë, zbardhen detaje të reja.


Burime pranë grupit hetimor bëjnë të ditur se nga këqyrja e vendit të ngjarjes, në bodrumin ku kryheshin punimet për riparimin e bizhuterive, janë gjetur dy bombola të mbushura. Sipas Inspektoratit Shtetëror Teknik Industrial, njëra prej bombolave ishte e mbushur me gazin propan, ndërsa tjetra me gazin kriogjen, i cili quhet ndryshe gaz teknik.

Bombola e gazit kriogjen është gjetur me valvul të hapur dhe dyshohet se ka pasur rrjedhje në tubin përcjellës mes bombolës dhe pajisjes, me të cilën punohej. Në raportin paraprak të përpiluar nga ekspertët zjarrfikës, ngjarja ka ndodhur për shkak të një pakujdesie njerëzore.

Nga tejngopja e ajrit me gaz në prani të një shkëndije në bodrum ka ndodhur shpërthimi, i cili ka shkatërruar plotësisht argjendarinë dhe dyqanin ngjitur. Nga forca shpërthyese është shkatërruar muri lidhës mes dy subjekteve tregtare, si dhe paneli i betonit në pjesën e tavanit. Si pasojë e shpërthimit janë dëmtuar edhe 4 automjete të parkuara afër vendit të ngjarjes.

Kujtojmë, që nga shpërthimi i fuqishëm kanë mbetur të plagosur edhe pesë persona, çifti që janë pronarë të argjendarisë, shitësja e dyqanit dhe dy kalimtarë.

LEXO EDHE:

FOTO-VIDEO/ Dyqani i tullumbaceve që tronditi Bllokun

Foto/ 4 të plagosur nga shpërthimi në Tiranë, momentet e evakuimit


Etiketa: , , ,

Pas