Skuadra e njohur gjermane, Kaiserslautern, është në prag të falimentimit, për shkak të problemeve financiare.
Sipas të përditshmes gjermane “Bild”, borxhet e Kaiserslautern kanë arritur në 25 mln euro, një shumë e cila kjo skuadër nuk arrin që ta mbulojë, për shkak se nuk ka të ardhura të mjaftueshme për mbijetesë.
Drejtimi i klubit do të jetë në duart e kolektivit të aksionerëve, ndërsa pagat e futbollistëve në vlerë prej 6.9 mln euro, do të jenë në duart e Entit për Punësim, e pastaj do të kërkohet plani i shpëtimit për ekipin e njohur të Bundesligës.
Në të kundërtën, nuk përjashtohet mundësia e shuarjes së plotë të klubit gjerman.
Kaiserslautern është pjesë e Ligës së tretë në Gjermani (Bundesliga 3), ndërsa është shpallur kampion i Gjermanisë në vitin 1951, 1953, 1991 dhe 1998.
