Aktualitet

Në Tiranë dasmë me daulle e lopë, në Dibër turma i jep lamtumirën 18-vjeçarit





Bëni LIKE faqen zyrtare në Facebook
               Publikuar në : 17:25 - 01/08/20 |
mapo.al

Dita e sotme shënoi një tjetër rekord të ri të infektimeve të reja në Shqipëri. Për 24 orët e fundit u regjistruan 120 rastë të reja, 119 të infektuar te shtruar në spital dhe 4 viktima.


Autoritetet shëndetësore vijojnë të bëjnë apel qytetarëve të shmangin festat, ditëlindjet, dasmat e ceremonitë mortore si vatra kryesore e shpërndarjes së COVID-19, por ajo që vihet re është se shumë qytetarë ende nuk janë ndërgjegjësuar.


Për ne shqiptarët dasma është gëzim dhe duhet festuar bashkë, ashtu si vdekja është hidhërim dhe me njerëz dhimbja e humbjes bëhet më e lehtë, por duhet t’i thërrasim mendjes sa nuk është vonë.



Njëra video është filmuar në një lagje të Tiranës. Në mesin e një kompleksi pallatesh qytetarët të kapur përdore kërcejnë pasi martojnë një të afërm.

Në mes të valles me daule është dhe një lopë të cilës madje i kanë vendosur dhe një kordele të kuqe. Duhet të jetë dhurate për çiftin e ri.

Ndërsa në Peshkopi të shumtë ishin ata të cilët e përcollën për në banesën e fundit 18-vjeçarin që u mbyt dje në ujrat e Drinit të Zi.

Nga pamjet e mbërritura në redaksi shihen aq shumë njerëz, sa nuk ke ku të hedhësh “kokrrën e mollës” e për distancim fizik as që bëhet fjalë.

Çka nënkupton se në javët në vijim numri i të infektuarve nuk pritet të ulet nëse do vazhdojmë kështu.

Kjo është një pandemi që po shkakton mijëra të vdekur në të gjithë botën, dhe autoritetet më të rëndësishme të shëndetit në bote bëjnë thirrje për të ndryshuar stilin e jetës, ruajtur distancën fizike dhe higjienën personale si të vetmet armë për të luftuar koronavirusin.

Duhet të ndërgjegjësohemi sa nuk është vonë.


Etiketa: , ,

CLOSE
CLOSE
Pas