Presidenti i Serbisë, Aleksandër Vuçiç shprehu keqardhjen që BE nuk dha një datë për çeljen e negociatave me Shqipërinë e Maqedoninë e Veriut.
“Nuk është e ndershme për të dyja, si Tiranën dhe Shkupin, si për qytetarët dhe për personat që drejtojnë këto shtete. Ata do të kenë një mik të sinqertë tek Serbia dhe do të përmirësojë bashkëpunimin me ta” tha sot Vuçiç duke paralamëruar për një videokonferencë që do të mbajë me dy kryeministrat në qershor.
Presidenti i Serbisë, Aleksandar Vuçiç, deklaroi gjithashtu se ndërtimi i spitalit në Graçanicë, si dhe rindërtimi i spitalit në veri të Mitrovicës do të fillojë sa më shpejt që të jetë e mundur.
“Nuk janë problem paratë por kemi probleme teknike” ka thënë ai.
Ai shton se “spitali në Mitrovicë do të jetë një qendër klinike de facto dhe se do të bëhet me investimet e shtetit të Serbisë dhe mbajtjen e një numri të madh të stafit mjekësor”.
