Aktualitet

Nesër protestë paqësore, Berisha: Nuk pranojmë asnjë akt dhune, s’do preket askush














Bëni LIKE faqen zyrtare në Facebook
               Publikuar në : 22:30 - 07/01/22 |
mapo.al

Ish-kryeministri dhe lideri historik i Partisë Demokratike, Sali Berisha, garanton se nuk do të ketë dhunë në protestën e nesërme te Partia Demokratike. 






I ftuar në Çim Peka Live, Berisha tha se dyert e hekurta do të hapen me pajisje të posaçme, ndërsa deklaroi se nuk do të preket askush nga personat që ndodhet brenda selisë së PD. 


“Protestë e fuqishme paqësore. Në mënyrë kategorike nuk pranojmë asnjë akt dhune. Nëse tjetri mbyll derën e shtëpisë, çfarë më mbetet mua? Të shtyj derën. Unë po shkoj të hap dyert e shtëpisë time dhe po shkoj në mënyrë paqësore. Do përdoren mjete që hapin deyrt e hekurta. Ajo nuk është dhunë, por hapje në moral dhe në ligj e derës së shtëpisë tënde. Asnjë qime floku nuk do t’i preket kujt. Nuk shkojmë ne të cënojmë njeri aty. Ai është shkarkuar dhe po përdor milionat e plaçkitura për karrigen e tij. Ai po e mban me dhunë selinë, po e mban me banda, me mercenarë. Ata kanë kërcënuar, zëdhënësit më të afërt të tij, kanë thënë se do të ketë viktima. Këto fjalë s’i keni dëgjuar nga ne. Kanë thënë se pa gjak nuk e lëshojmë. Ne shkojmë paqësisht. Dyert do t’i hapim. Po i hapi Lulzim Basha, nuk përdorim asnjë mjet. Ne nuk dhunojmë kurrë asnjë punonjës, është shtëpia jonë, janë punonjës të PD ata”, u shpreh Berisha. 







Berisha sqaroi edhe rolin e Gjykatës në shqyrtimin e ndryshimeve të statutit të partisë dhe organeve të zgjedhura në Kuvendin Kombëtar të 11 dhjetorit 2021.




“Ne jemi bashkë në garë, numërojmë votat, kontestojmë dhe shkojmë në gjykatë për kontestimin që kemi për votat. Gjykata ka rol vetëm në një moment, ky statut që vjen është apo jo në përputhje me Kushtetutën”. 



Berisha tha se mbështetësit e Lulzim Bashës janë njerëz jo të lirë dhe paralajmëroi  se shqiptarët do të njihen me emrat e tyre shumë shpejt. 

“Zoti Basha është thjesht një deputet i PD. Nga ana tjetër është figura politike më e diskredituar në historinë politike të Shqipërisë në 30 vite. Ka disa njerëz që e mbështesin. Do i mësoni ju shumë shpejt dfelegatët e tij, servir mashtrime të paimagjinushme. Falenderoj gazetarin e Syrit që numëroi karriget dhe ishin 1958 karrige. Por do të mësoni edhe se kush janë emrat. Gjithçka fake. Për të gjitha këto, ati nuk përbën një problem për PD. Çfarë janë mbështetësit e tij? Nuk janë njerëz të lirë. Me analizë të garantoj se 90% e tyre janë njerëz jo të lirë dhe gradualisht ky revolucioin do të sqarojë çdo shqiptar se çfarë përfaqëosjnë, interesa të tyre të lidhura me qeverinë.

Të jap një shembull, kush është komanduar kryetar i PD në Durrës? A keni pyetur? U komandua njeriu që ka tenderin e rimorkiove të Portit, një tender i madh, s’kam asgjë me Luanin që ka tenderin. Por kam diçka shumë më tepër sepse me atë tender kanë marrë pjesë kompani më të mëdha të botës dhe Edi Rama zgjodhi Luanin. Durrësi është shdërruar në aferën miliardëshe.

Aferë që dokumentet faktojnë se është i zhyer edhe Lulzim Basha. Njëherë na tha që menaxheri i kompanisë së arabit kishte përfaqësues në Shqipëri menaxherin e kompanisë së Lulzim Bashës. Ai deklaroi se dhashë dorëheqjen. Kemi të bëjmë në Durrës në një përzierje të neveritshme aksionesh. A mundet që PD të ngelet peng i këtyre?”, tha Berisha.

1



Pas