Partia Demokratike mbledh ditën e sotme në orën 19:00 grupi ne saj parlamentar lidhur me aksionin e saj opozitar.
Në këto momente selinë blu kanë ardhur Enkelejd Alibeaj, Oerd Bylykbashi, Helidon Bushati, Grida Duma, Albana Vokshi, Jorida Tabaku, Luçiano Boçi, Tomorr Alizoti dhe kryetari Basha.
Burime për MAPO pranë selisë blu bëjnë të ditur se në fokus të mbledhjes së Grupit Demokrat do të jetë seanca e nesërme plenare.
Kjo seancë e nesërme pritet që të miratojë qeverinë e re dhe programin qeverisës “Rama 3”. Mësohet deputetët demokratë do të kërkojnë fjalën gjatë seancës parlamentare si dhe do t’i drejtohen me pyetje kryeministrit Edi Rama dhe ministrave të propozuar prej tij. Çdo deputet do të ketë në dispozicion 10 minuta për të folur.
Ndërkohë, po ditën e nesërme në orën 18:00 Sali Berisha ka thirrur degët e kryeqytetit në atë që e quan si një aksion për shpëtimin e PD-së.
Po ashtu, ka lëvizje brenda PD-së e cila i ka drejtuar Bashës një peticion për të mbajtur një referendum për përjashtimin e Berishës nga grupi parlamentar.
Nga ana tjetër, në PD udhëzimet janë që nuk ka kundërvënie ndaj Berishës, por të fokusohen vetëm tek arsyet pse është marrë ky vendim.
