Zëvendësministrja e re e Arsimit e emëruar sot në këtë detyrë me vendim Qeverie, Lorena Haxhiu është një emër i njohur për publikun shqiptar. Ajo është një imazh i ekranit, pasi në disa media ka qenë prezantuese e programeve për të rinj, po ashtu dhe emisioneve të pasditeve. Lorena Haxhiun e keni parë në emisionet e mëngjesit me programe si “Agon” në “Albanian Screen” e “Dita Ime” në “Vizion Plus”.
Lorena Haxhiu është votuar sot nga Këshilli i Ministrave për të zënë vendin vakant që la Besa Shahini si zv.ministre, ndërkohë që ajo zuri vendin e Lindita Nikollës pas ndryshimeve të thella që prekën kabinetin qeveritar në fund dhjetorin e 2018-ës. Ish-prezantuesja e emisioneve deri sot ka mbajtur detyrën e Drejtoreshës së Përgjithshme të Shërbimit Rinor.
Në faqen online të këtij shërimi nuk gjendet CV e Haxhiut, por sipas profilit të saj në Facebook, ajo ka mbaruar studimet në fakultetin e Ekonomisë në Tiranës dhe është vetëm 28-vjeçe.
Lorena Haxhiu ka qenë dhe personazh i showbizit shqiptar, ku në shumë portale apo media nuk ka nguruar të publikojë dhe fotot e saj në plazh me bikini në plazhet e ndryshme të vendit. Prej ditës së sotme vajza simpatike e ekranit do ulet në karrigen e zv/ministres duke u bërë kështu zyrtarisht pjesë e politikës aktive.
/Gazeta Mapo/
letra higjenike e radhes,rama i keto per kukulla barbi sa ju bjen pak pluhur i nderron.