Nga Laert Miraku
“E ka fajin sistemi”! Pas 30 vitesh tranzicion jemi sërish në vend numëro. Ashtu si në vitin 1993 edhe sot në vitin 2023 kryefjala është korrupsioni. Por vitet e fundit korrupsionin e kemi nxjerrë jashtë kufijve të Shqipërisë. Akuzat për korrupsion ndaj Sali Berishës dhe shpallja ndaj personit të tij “Non grata” nga SHBA dhe Britania e Madhe. Emri i Edi Ramës përmendet 14 herë në dosjen hetimore për korrupsion të ish-funksionalit të lartë të FBI-së. Akuza e SHBA-ve për PD-në se ka marrë 500 mijë euro nga një lobim rus.
Nëse mendoni se korrupsion është zhvilluar vetëm vitet e fundit shikoni se çfarë shkruan gazeta “Koha Jonë” më 17 shkurt të vitit 1993.
Korrupsion brenda Kontrollit të Shtetit
-Kontrolli i Shtetit “zhvirgjërohet” nga korrupsioni
-90 për qind e fondeve të akorduara janë shpenzuar pranë personave privatë.
-Faturat figurojnë me çmime shumë më të larta nga normalja e tregut.
-Shkarkohet nga detyra shefja e administratës znj. Zamira Lloi, e motra e deputetit Roland Tafill
-Zotit Blerim që “lufton” korrupsionin e të tjerëve i ka hyre korrupsioni brenda dikasterit të tij.
Skandalet vazhdojnë
-Rreth 200 tonë ure kalojnë kufirin shqiptaro-maqedonas.
-Policia financiare bllokon 10 kamionë me targa të Serbisë, të cilët lejohen të kalojnë pas tre ditësh.
-Pas skandalit të naftës në Han të Hotit, një tjetër skandal, por këtë radhë i faktuar.
