Nikolla u shpreh se Maqedonia e Veriut është një mik i shkëlqyer i Shqipërisë dhe një partnere e ngushtë në NATO.
Gjithashtu ajo theksoi se të dy vendet janë gati të ulen në tryezën e parë Ndërqeveritare me BE-në.
“Maqedonia e Veriut është një vend fqinj dhe mik i shkëlqyer i Shqipërisë, një partnere e ngushtë në NATO dhe në rrugëtimin e përbashkët drejt Bashkimit Evropian. Të dy vendet tona janë gati të ulen në Tryezën e parë Ndërqeveritare me BE-në dhe e kemi merituar këtë me arritjen për evropianizimin e vendeve tona dhe kontributin për evropianizimin e rajonit të Ballkanit Perëndimor”, theksoi Nikolla.
Ndërsa ambasadori Markovski , uroi kryetaren e Kuvendit zgjedhjen në detyrën e lartë të Kryetares së Kuvendit dhe e garantoi për vullnetin e Republikës së Maqedonisë së Veriut për të zgjeruar e intensifikuar bashkëpunimin midis parlamenteve, qeverive dhe qytetarëve të të dy vendeve.
“Shqipëria i jep rëndësi të veçantë marrëdhënieve me Maqedoninë e Veriut, si një vend fqinj dhe mik i qëndrueshëm.
Marrëdhëniet po përparojnë shumë mirë dhe të dy vendet tona bashkëpunojnë intensivisht si në nivelet dypalëshe, ashtu edhe në ato shumëpalëshe. Bashkëpunimi ka hyrë në një fazë të re të marrëdhënieve dypalëshe, përmes takimeve të përbashkëta qeveritare”, u shpreh ai.
